تجربتي مع اختبار الآيلتس .. IELTS EXAM

_

مرحبا ..

هنا راح اشارككـم تجربتي مع الايلتس كاملة

ابتداءَ من التسجيل إلى طبيعة الإختبار ومكونات كل قسم بالتفصيل وبعض التفاصيل المهمه ..

الايلتس IELTS

هو اختبار بريطاني معتمد عالمياً لقياس مستوى اللغة . اعترف لكم بالبداية إني ضيّعت فُرص قويّه بسبب خوفي من الاختبار وندمانه جداً اني تأخرت في خوض التجربة . قريت عن الاختبار كثير قبل اختبر وكان فيه تجارب سلبية اثرت علي للأسف.. لكن يوم من الأيام قلت في نفسي الحياة تجارب وليش اسمح للايلتس يكون عائق امامي وانا ماجربته ؟ وآمنت انه ليس بالضروره اذا غيري فشل فهذا يعني صعوبة الإختبار .. بالعكس لازم اخلّيه تحدي واخوضه مهما كانت النتيجة وقررت اختبر وحجزت الاختبار بعد شهر من قراري ..

بشرح لكم طبيعة الإختبار و كل قسم بالتفصيل الدقيق
اشهر المنظمين للإختبار في السعودية هو British Council
قيمة الإختبار الف وخمسين ريال
تحتاج عند التسجيل إلى صورة واضحه للهوية أو الجواز . رابط تحديد الموعد والتسجيل في الاختبار رابط الموقع يوم الإختبار : لاتنسون الجواز او الإثبات -بعد المطابقه راح يصورونك صورة تنحط على الشهادة اما بالنسبه لطبيعة الإختبار: الإختبار قسمين او فترتين .. الأول : يتكون من (استماع ،قراءه وكتابة) القسم الثاني : (التحدث) الإختبارين مفصولين عن بعض مثلاً انا اختبرت الاستماع والقراءه والكتابه صباحاً التحدث كان بعد الظهر .. اولاً : الإستماع : وهو اول قسم ..عند الدخول للقاعه على كل طاوله يوجد سمّاعة لاسلكيه قبل بدء الإختبار يشغلون اكثر من مقطع تجريبي بحيث يتأكد الجميع ان سماعته تشتغل بشكل سليم مدة قسم الإستماع : 30 دقيقة تبدأ الحل في ورقة الاسئله وبعدين لك عشر دقائق اضافية لنقل الإجابات لورقة الحل ..يعني المجموع 40 دقيقة لقسم الإستماع
اما مكونات القسم او طريقته : يتكون من اربع محادثات مسجّله و ٤٠ سؤال. كل محادثه عليها ١٠ اسئلة .
في البداية قبل يبدأ المقطع يعطيك نصف دقيقه للإطلاع على الاسئله يقولك قبل يبدأ "اقرأ الاسئلة من ١ إلى ٥ " ثم تبدأ المحادثه والحل .. ثم بعده يعطيك نصف دقيقة أُخرى للإطلاع على الاسئله من ٦-١٠ وهكذا .. نصيحة الوقت المحدد للإطلاع على الاسئله حاول تحدد فيه الكلمات الأساسيه اللي راح تبحث عنها اثناء الإستماع وتحط تحتها خط وفكّر في مرادفات لها , لاتنتظر تسمع نفس الكلمة. ملاحظات 1-مقاطع الصوت تتدرج من الأسهل الى الأصعب
2- المقاطع بالآكسنت البريطاني .
     3- حطوا في بالكم ان :
الصفر "الزيرو" يُنطق- أُو -لأنه يشبه حرف الأو بالانقلش-
-في نهاية المدّونه بحط رابط تدريب، الممارسة شي مهم الأربع محادثات بتكون بالشكل التالي : * القسم الأول:  محادثة بين شخصين مثلاً وحده بتحجز فندق وتعطي بياناتها لموظف الفندق . اسمها , رقم جوالها , عنوانها وبيانات من هالنوع . * القسم الثاني:محادثه فرديه مثلاً شخص يوصف مرفق من المرافق. * القسم الثالث: محادثة بين عدة اشخاص أشخاص مثلاً نقاش بين أستاذ جامعي وطالب حول أحد الفروض أو المهام. *القسم الرابع: محادثة فردية حول موضوع أكاديمي، مثلاً دكتور يلقي محاضرة علمية في جامعة. الإستعداد لقسم الإستماع بما ان مقاطع الصوت باللهجة البريطانية ف حاولوا تسمعون اخبار ال BBC و البودكاست البريطاني
فيه مقاطع باليوتيوب لـ TED باللهجة البريطانية ركزوا على طريقة نطق الارقام والفرق بين نطق الأرقام مثل 15 و 50 ....
في نهاية المدونه الروابط اللي تدربت منهم..
قسم الريدنق هالقسم يتكون من ٣ قطع و ٦٠ دقيقة . الوقت يكون ظاهر امامك على بروجكتر حاول تقسيمة بدقّه مثلاً: تنتهي من القطعة الاولى في الدقيقة ٤٥ (خمسة عشر دقيقة حل ) وتنتهي من القطعة الثانيه في الدقيقه ٢٥ (عشرين دقيقة حل ) يتبقى ٢٥ دقيقة للقطعة الأخيره ملاحظة الحل مباشرةً على ورقة الحل لايوجد وقت اضافي لنقل الإجابات مثل قسم الإستماع . القطع تتدرج من الأسهل الى الاصعب -اذا ماعرفت سؤال اكبر خطأ توقف عنده ، اتركه وابحث عن حل اللي بعده . فيه اسئله حلها بالترتيب مثل سؤال Yes ,No ,Not Given هالسؤال رئيسي وبيكون فيه ٣ او ٤ فقرات . ابحث عن فقرة سهله وواضحه وحلّها اولاً مو شرط تبدا بحل الفقرة الاولى . مثال : اذا كانت الفقرة رقم ٢ اسهل من رقم ١ ابدا فيها وحط خط تحت اجابتها بالقطعة, ثم ارجع لفقرة رقم ١ واقرا الفقرة بكذا انت متأكد ان رقم واحد اجابته فوق اللي حطيت تحته خط مستحيل يكون تحته وهكذا ..>اتمنى وضّح التكنيك ماني عارفه اشرحه كتابياً تنبيه سؤال اكمال الفراغات لازم تنتبه كم طالبين منك كلمه بالفراغ .. يجيك السؤال اكمل الفراغ بعدين يكتبون مثلاً : No more one word أو No more two words يعني اقرأ السؤال كاملاً على السريع احياناً فيه تنبيهات ضروري تقراها هالجزء من وجهة نظري يحتاج لكمية مفردات كبيره جداً لانهم يستخدمون المُرادفات كثير .. يعني يعتمد على الحصيلة اللغوية اكثر شي لكن حتى لو واجهت كلمات ماتعرفها حاول تفهمها من سياق الكلمة ..وحتى لو ماعرفتها اكيد راح تحل فقرات غيرها يعني ابداً لايصيبك احباط وتضيع على نفسك درجات لانك مافهمت معنى كم كلمة .. ال skimming و Scaning ضروري تطبيقهم ويساعدون كثير مُلاحظة التدريب ومعرفة طريقة اسئلة هالقسم يساعد كثير برفع الدرجة

* قسم الرايتنق هالقسم عباره عن مهمّتين .. المهمّه الأولى
عندك رسم بياني او خريطة المطلوب هو ان تكتب تقرير لايقل عن ١٥٠ كلمة لوصف الرسم .. هنا مثال على الـ TASK 1

هالقسم يحتاج تحفظ بعض القوالب والكلمات وتستخدمها
مثال على الكلمات اللي نحتاجه كثيرفي هذا القسم :

بعد هنـا صورة تلخص جهد كبير :

وفيه مقاطع باليوتيوب توضّح بدقه كيف تبدا وتنتهي من كتابة التقرير .. المهمّه الثانيه هي انك تكتب مقال من ٢٥٠ كلمه ممكن يكون اكتب رأيك عن شي
او اكتب مميزات ومساويء شي
او ممكن يكون وجهات نظر والسؤال الى أي وجهة نظر تميل ولماذا مثلاً انا جاني سؤال
(ماهو تأثير التسوق عبر الإنترنت على البيئة والوظائف مع ذكر الأسباب ؟)
اغلب المواضيع في هالقسم عادةً تكون في هالمجالات :
1- Art
2-Business and money
3-communication
4-Crime & punishment
5-Economics
6-Education
7- Environment
8-Family & children
9- Food
10- Health
11- Language
12- Media & adverting
13- Technology
14- Transport
15-Travel
16- Society
17-Sport
18- Work

الوقت في قسم الكتابة ٦٠ دقيقة .. 20 دقيقة ل Task 1 و 40 دقيقة ل Task2 هالقسم مع الممارسه وحفظ الكلمات الأساسية اللي ممكن تستخدم في جميع الأحوال مهما كانت صيغة السؤال خصوصاً في Task1 صار امتع واسهل قسم الممارسه ثم الممارسه ثم الممارسه هي السبب الرئيسي اللي تحول هالقسم الى شي سهل جداً بعد الله..

هنا موقع Grammarly يصحح الكتابة ..

من مدونة ليز للآيلتس
كل مايخص Writing Task 1 ( المهمة الأولى ) هُنــا

كل مايخص Writing Task 2 ( المهمة الثانية ) هُــنا


وأخيراً قسم السبيكنق القسم يتكون من ٣ أقسام .. فيه جهاز تسجيل يسجل كل المحادثة . مدة الاختبار تقريباً (11-14 ) دقيقة القسم الأول : اللي يختبرك بيطلب التعريف الخاص فيك او الجواز يقولك Your identifications please ? او Your ID please ؟ التسجيل بيكون يشتغل وقتها لذلك من الافضل تعطي انطباع جيّد عن نفسك وماتعطيه الجواز وتسكت مثلاً تقول Sure Of course بعد كذا اللي يختبرك بيعرفك عن اسمه وبيقولك ان هذا اختبار السبيكنق وان المحادثة بتكون مسجّله وان فيه ثلاث اقسام .. وان القسم الأول بيكون عنّك .. مثلاً :اسمك ، مدينتك ، اهلك ،وقت فراغك ،هواياتك .. القسم الثاني
بيعطيك ورقة مكتوب فيها موضوع .. ويعطيك قلم وورقة فاضيه يقولك جهز عن الموضوع خلال دقيقة بعد دقيقة تبدا تتكلم لمدة دقيقتين .. مثال للقسم الثاني :

القسم الأخير بيكون مناقشه للقسم الثاني انا غلطت غلط ندمت عليه عشان كذا حابّه اشارككم كانت اول تجربة لي وأول سؤال بالسبيكنق كان من هو مغني البوب المفضل لديك ؟ فتلخبطت لان ماعندي خلفيه عن البوب ، وهذا شي غلط المفروض قلت لها
(بصراحه , ماعندي خلفيه عن البوب وما اسمع اغاني البوب لأني أُفضل الاغاني والموسيقى العربيه)
الاختبار مايقيس الثقافه ابداً هو يقيس قدرتك على التحدث لذلك حتى لو جاك سؤال حول شي ماتعتبره من اهتماماتك جاوب بان هذا الشي ليس من اهتمامتك وقول الاشياء اللي تهتم فيها بدلاً عنه .. حاول تجاوب اجابه محدده ثم وسّعها .. مثلاً سؤال اين تسكن ؟ Well , I live in Riyadh , it’s the capital and most populous city of Saudi Arabia. يعني لاتوقف عند اسم المدينة او مثلاً اذكر مكان المدينه وين تقع ( جنوب - شرق -غرب ...الخ في قسم السبيكنق المواضيع اللي تنسأل اكثر شي موجوده كثير على الانترنت جهز نفسك لكل موضوع ..
( اليوتيوب زاخر ومليءعن هذا القسم تحديداً المفيده )

وطبعاً ما أنسى الليدر للمعلومات اللي تخص اختبار الايلتس هو الأستاذ عبدالرحمن حجازي ..
تابعوه سناب ويوتيوب  وتويتر ..
فعلاً شخص مايبخل بالمعلومه .. وإيجابي ومحفز جداً ..
رابط من مدونة ليز لـ اهم الفوكالبري اللي تفيد باختبار الايلتس : هـنا

رابط قسم السبيكنق لنفس المدونه : هنـا

وهذا رابط هالرابط مفيد جداً انصحكم فيه ليز طلبت من الناس يشاركونها الاسئلة اللي جتهم بالإختبار ..
الردود عليها مرتبة وواضحه وطبعاً تتحدث دائماً بشكل يومي ينزلون تجاربهم .. 
هــنا

تنويه :
البريتش كونسل يرسلون لك كتاب للتدريب قبل الاختبار بإسبوعين .. 

الإختبارات التجريبية : 
الموقع الأول  

الموقع الثاني

الموقع الثالث 



ختاماً النتيجة تطلع بعد 13 يوم من الإختبار ..
دعواتكم نتيجتي تكون حلوه ..

بالتوفيق للجميع ..
اي شي اضافي اتذكره ممكن يفيد راح انزله على صفحتي في تويتر :  W_M_A_1@

وأي استفسار انا بالخدمـه .

..